Mirësevini në faqen zyrtare të Shoqatës së Matematikanëve të Kosovës! Shoqata e Matematikanëve të Kosovës - KMS - ka për qëllim avancimin e matematikës së pastër dhe të zbatuar. Në këtë faqe mund të gjeni informata mbi disa nga aktivitet tona të rregullta.

Me vendim unanim të Bordit përkatës Këshillues, Kosova është pranuar në Olimpiadën Matematike Ndërkombëtare.

Olimpiada e dytë Matematike e Kosovës do të mbahet më 10 maj 2010. Informatat e detajuara për përzgjedhjen e garuesëve i janë dërguar Drejtorive të Arsimit të komunave anekënd Kosovës.

Garuesit e parë kosovarë do të marrin pjesë në Olimpiadën në Amsterdam, Holandë, në korrik të vitit 2011, kurse në korrik të vitit 2010, në Astana, Kazakistan, do të dërgohet një përfaqësues i organizatorëve të garave në Kosovë për t'i vëzhguar procedurat e mbajtjes së këtij organizimi.